Կարեն Արտակի Ներսիսյանը ծնվել է 1997-թվականի ապրիլի 8-ին, Կոտայքի մարզի Բջնի քաղաքում: Ինքնուրույն և աշխույժ տղա էր և շատ էր սիրում զբաղվել էլեկտրական սարքերով ու համակարգիչներով: Իր հայրենի քաղաքում գտնվող Հովհաննես Թումանյանի անվան միջնական դպրոցն ավարտելուց հետո ընդունվել էր Երևանի Ճարտարագիտական համալսարանի էլեկտրոտեխնիկական ֆակուլտետը: Մեկ տարի սովորելուց հետո մոտեցավ նրա զինծառայության մեկնելու ժամը և նա պատրաստակամությամբ մեկնեց ծառայության: Նրան բաժին էր հասել Արցախ աշխարհի Ջրականի (Ջաբրաիլի) պաշտպանական շրջանում սահմանապահ առաքելությունը, որից նա երբեք չէր բողոքում:
Զինծառայության ընթացքում առաջադիմության շնորհիվ ուղարկվել էր սերժանտական վերապատրաստության դարբնոց և ավարտելով ուսումը՝ արժանացել սերժանտի ուսադիրներին: 2016թ-ի ապրիլի 2-ին, երբ ադրբեջանական զինուժը սկսեց հարձակվել մեր մարտական դիրքերի վրա, սերժանտ Կ. Ներսիսյանը նույնպես առաջնագծում էր: Այդ անսպասելի հարձակմանը դիմակայելիս ծավալված թեժ ու համառ մարտերում նա արիաբար մարտնչեց մինչև վերջին փամփուշտը՝ իր ծառայակից ընկերների հետ ոչնչացնելով հակառակորդի բազմաթիվ գրոհայինների, սակայն թվաքանակով մի քանի անգամ գերակշռող, հատուկ պատրաստություն անցած և մինչև ատամները զինված ու կատաղած այդ թուրք-ասկյարների դեմն առնելն այդ պահին անհնարին էր և նա իր ընկերների հետ ընկավ քաջի մահով: Գազազած թշնամուն միայն նրանց դիակների վրայով հայկական դիրքը գրավելուց հետո ոչինչ չէր մնում անել, քան մահացածների դիակները անմարդկային կերպով խոշտանգելը: Հետմահու պարգևատրվել է Հայաստանի Հանրապետության «Արիություն» մեդալով:
Ամբողջական նյութի և ֆոտոշարքի համար՝ անցեք հետևյալ հղղումով